ब्लाष्टखबर । धरान १२ चतरालाइन स्थित सुनाखरी एकेडेमीले स्कूलबाट विद्यालय शिक्षा परीक्षा (एसइइ) मा सहभागी हुने विद्यार्थीलाई शनिबार एक कार्यक्रमका बीच बिदाई गरिएको छ । कक्षा ९ मा अध्ययनरत विद्यार्थीहरुले कक्षा १० को अध्ययन पूरा गरी एसइइ परीक्षाका लागि तयार भएका अग्रज विद्यार्थीलाई विदाई गरेका हुन् ।
९ कक्षाका विद्यार्थीहरुले कक्षा १० का विद्यार्थीको सामूहिक तस्वीर भएको फोटो फ्रेम प्रदान गरेर विदाई गरेका हुन् । सुनाखरी एकेडेमीबाट यस वर्षको एसइइ परीक्षामा ४१ जना विद्यार्थी सहभागी हुँदैछन् ।
विदाई कार्यक्रममा ९ कक्षाका विद्यार्थीहरुले सांगीतिक कार्यक्रम, नृत्य, गायन समेत प्रस्तुत गरेका थिए । एकेडेमीका महिला शिक्षिकाहरूले पनि नृत्य प्रस्तुत गरेका थिए ।
विद्यालयका प्रिन्सीपल मिलन राई लगायत कक्षा १० र ९ का विद्यार्थीहरूका साथै शिक्षक, तथा कर्मचारीकाे उपस्थीती रहकाे उक्त बिदाई कार्यक्रममा प्रिन्सीपल राईले विद्यार्थीहरूलाई हैसला प्रदान गर्दै उनिहरूकाे आगामी गन्तव्यहरूमा सफलताको शुभकामना दिएका थिए ।
