तक्षशीला एजुकेशन फाउण्डेशनले विद्यार्थीलाई यातना दिएको अभिभावककाे आरोप

alt
  • चैत्र ४, २०७६
  • ३२७ पटक पढिएको
  • ब्लाष्ट खबर

बिर्तामोड । झापाको बिर्तामोडमा सञ्चालित तक्षशीला एजुकेशन फाउण्डेशनले बार्षिकोत्सबको अवसरमा आयोजना गरिएको सांस्कृतिक कार्यक्रमको तयारीका लागि नाच्दै गरेको अवस्थामा बच्चालाई हटाएर मानसिक यातना दिएको आरोप अभिभावकको छ ।

सोमबार नृत्यको रिहर्सल गरिरहेको समयमा तक्षशीला एजुकेशन फाउण्डेसनको कक्षा–१ मा अध्ययनरत ६ बर्षीया रौप्य पोखरेललाई बिद्यालयले रिहर्सल गर्नबाट रोक लगाएको थियो । रिहर्सल गर्न नपाएपछि आफ्नी छोरी रुँदै घर आएको अभिभावक दिपा पोखरेल बताएकी छन् । सञ्चालकको डरका कारण उनी मंगलबार बिद्यालय जान नमानेपछि अभिभावक आफैले पुर्याएर आएका थिए ।

बिद्यालयले मंगलबार बिविध सांस्कृतिक कार्यक्रम सहित बार्षिकोत्सब मनाएको छ । सोही कार्यक्रमको तयारीका लागि रिहर्सल गर्दै गर्दा पोखरेललाई बिद्यालयले हटाएको थियो । बिद्यालयले बार्षिकोत्सब कार्यक्रमका लागि अभिभावकलाई समेत निम्तो गरेको थियो । कार्यक्रमपछि फर्कदाँ बिद्यार्थी लिएर फर्किनुपर्ने शर्त पत्रमा थियो । अभिभावक गणेश पोखरेलले बिद्यालयलाई महिनाभरीको गाडीभाडा तिरिसकेकोले सधै जस्तै घर पुर्याउनु पर्ने जिकिर गरेको बताएका छन् । सोही बिवादपछि बिद्यालयले रिहर्सल गरिरहेकी बालिकालाई हटाएको पोखरेलको दावी छ ।

कोरोना संक्रमण हुने भयले सरकारले सभा, सम्मेलन र कुनै पनि भीडभाडको कार्यक्रम नगर्न निर्देशन दिएको छ । सोही निर्देशन बमोजिम बालबालिका अध्ययन गर्ने संवेदनशिल क्षेत्र बिद्यालयमा बार्षिकोत्सब गर्ने भन्दै भेला आयोजना गरिएकोमा अभिभावकको आपत्ति छ । बिद्यालयले अतिथिका रुपमा बोल्न दिएका अनमेश केसीले कार्यक्रम चुनौतीका बिच कार्यक्रम भब्य रुपमा सम्पन्न भएको बताएका थिए ।

कार्यक्रममा बोल्दै विद्यालयका पूर्व अभिभावक राजकुमार पोखरेलले पूर्व आईजीपी मोतीलाल बोहोराकी बुहारी श्रद्धा गिरीले पैसा कमाउन होइन, गुणस्तरीय शिक्षा प्रदान गर्न बिद्यालय सञ्चालन गरेको बताएका थिए । कार्यक्रममा अभिभावकलाई आफ्ना बालबालिकालाई आफैं आएर लानु होला, विहान हामी लान्छौं, बेलुका आफैंले लानु भन्ने उर्दीका कारण बाध्य भएर पुगेका थिए ।

बिद्यालयमा भब्य कार्यक्रम गर्न किन दिएको ? भन्ने प्रश्नमा विर्तामोडका नगर शिक्षा प्रमुख तीलचन भण्डारीले भने, ‘हामीले कार्यक्रम नगर्न पाँच दिनअघि नै भनेका हौं, मानेनन्, तपाईहरु आफैंले कुरा गर्नुहोला ।’

धरानमा तरकारीकाे यथा ...

धरान १३ स्थित कृषि उपज बजार स्थल धरानमा कृषिजन्य वस्तु ...

खाँदबारी–३ ले १ सय ५ ...

संखुवाभसा । खाँदबारी नगरपालिकाको वडा नम्बर ३ ले आज ...

बेलवारीका घरधनीद्धार ...

लक्ष्मीमार्ग । सरकारले घरवाला संग लकडाउन अवधीको घरभाडा ...

धरानमा तोकिए भन्दा ब ...

धरान / विहीबार विहान धरान–१५ स्थित लक्ष्मी ट ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved