पथरी । मोरङ लेटाङ–९ को श्री माध्यामिक विद्यालयको विद्यालय व्यवस्थापन समितिको अध्यक्षमा खेमराज(इन्द्र) ढकाल निर्वाचित भएका छन् ।
हिजो आइतबार अध्यक्षको चुनाव भएको थियो । समितिका अध्यक्षमा खेमराज(इन्द्र) ढकालले ४ मत ल्याई विजयी भएको हो । त्यसैगरी अध्यक्षको प्रतिदन्दी भुपेश लिम्बुले ३ मत ल्याएर पराजित भएका थिए ।
२०७६ माघ २६ गतेको अभिभावक भेलाले सन्तवीर शेन्दाङ , भुपेश लिम्बु, धनकुमारी मङग्रान्ती, र गिता फुयल गरी ४ जनालाई विद्यालय व्यवस्थापन समितिको सदस्यमा छानेको थियो ।
उतिखेरै लेटाङ नगरपालिकाका मेयर शंखर राईले लक्ष्मी सुब्बा र हस्तमाया मगरलाई मनोनित गरेका थिए । वडा नं. ९ वडाकार्यालयले विद्यालयको व्यवस्थापन समितिमा प्रतिनिधि वडासदस्य खेमराज(इन्द्र) ढकाललाई पठाएका थिए । कोरोना भाइरस संक्रमणको कारण देश नै लकडाउन भएपछि अन्य गतिविधि स्थगित भएको थियो ।
त्यसैगरी विद्यालयको प्रधानाध्यापक खेमराज दुलाल सदस्य सचिब र शिक्षकहरुको तर्फबाट प्रतिनिधि प्रकाश चन्द्र तिम्सिना पनि समितिमा रहेको सिताराम भण्डारीले बताए ।
