बेलबारी । मोटरसाईकल चोरी गरेर बिक्रि गर्ने गरेकाे आरोपमा एक समूहलाई इलाका प्रहरी कार्यालय बेलबारीले नियन्त्रणमा लिएको छ ।
को ३६ प १०४० नम्बरको मोटरसाईकल गत भदौ २२ गते साँझ बेलबारी नगरपालिका ८ बाट हराएको थियो । चोरीमा संलग्न भएकाे आरोपमा पक्राउ परेका ५ जनालाई आईतबार इलाका प्रहरी कार्यालय बेलबारीले सार्वजनिक गरेको छ । चोरीमा संलग्न पुजन श्रेष्ठ, बिशेष भुजेल, राहुल साह, उत्तर राई र गगन ध्वज राईलाई नियन्त्रणमा लिएको इलाका प्रहरी कार्यालय बेलबारीका प्रमुख ऋषि राज ढकालले बताए ।
ढकालका अनुसार पुजन श्रेष्ठले चोरी गरी बिशेष भुजेलको सहयोगमा बिराटनगर घर भई सुनसरीको धरान उपमहानगरपालिका ३ का बिश्वकर्मा बर्कसप सञ्चालक २७ बर्षीय राहुल साहलाई कमिसन दिने शर्तमा बेच्न दिएका थिए । ईन्जिन नम्बर, चेचिस नम्बर परिवर्तन गरि राहुलले मोटरसाईकलको स्वरुप समेत परिवर्तन गरेर उत्तर राई र गगन ध्वज राईलाई बेच्न दिएको प्रहरीको अनुसन्धान बाट खुलेको छ ।
उक्त मोटरसाईकल उत्तर राईले कुदाउदै गरेको अवस्थामा मंसिर ३ गते सुन्दरहरैचा नगरपालिका वडा नं २ बाट प्रहरीले नियन्त्रणमा लिएको हो । पक्राउ परेका चारै जना बिरुद्ध चोरी मुद्दामा मुद्दा दर्ता गरि थप अनुसन्धान भइरहेको प्रहरीले जनाएको छ । यस्तै प्रहरीले हराएक २४ थान मोवाईल खोजि गरेर धनिलाई दिएको छ ।
