संखुवासभामा बिहीबार १८ जना कोरोना संक्रमित थपिएका छन् । योसँगै जिल्लामा सङ्क्रमित हुनेको संख्या ८७ पुगेको छ ।
७३ जना सक्रिय सङ्क्रमित रहेकामा जिल्ला बाहिर उपचारका लागि ७ जना पठाइएको स्वास्थ्य कार्यालयका प्रवक्ता राषण श्रेष्ठले जानकारी दिए ।
उपचारपछि निको भएर १४ जना घर फर्किसकेका छन् भने बाँकी उपचाररत् छन् ।
हालसम्म जिल्लामा २ सय ४९ जनाको पिसिआर र १०१ जनाको एन्टिजीन परीक्षण गरिएको छ । पिसिआर गर्दा ६९ र एन्टिजीनमा १७ जनामा सङ्क्रमण भेटिएको हो ।
एक जनाको जिल्ला बाहिर कोरोना पोजेटिभ पुष्टि भएको हो । जिल्लामा रहेको संस्थागत आइसोलेशनमा ११ जना र ५५ जना होम आइसोलेशनमा रहेको स्वास्थ्य कार्यालयले जनाएको छ ।
सबै सङ्क्रमितको स्वास्थ्य अवस्था सामान्य रहेको छ भने कोरोना सङ्क्रमणका कारण संखुवासभामा मृत्यु भएको छैन ।
