धनकुटा । होली पर्वको अवसरमा धनकुटा नगरपालिका वडा नं.६ स्थित् भिमसेन थानमा सोमवार होली विशेष सांगितिक कार्यक्रम हुने भएको छ ।
वौद्धिक विकास समाज धनकुटाको आयोजनामा सम्पन्न हुने लाईभ म्यूजिक कार्यक्रम धनकुटा नगरपालिका वडा नं.४ स्कुलडाँडामा रहेको आरोह व्याण्डका ¥याप स्टार स्काईएडी (आकास वि.क.) ले प्रश्तुती दिने भएका छन् ।
आयोजक संस्थाका प्रवक्ता विमर्शमान आमत्यले पत्रकार सम्मेलनको आयोजना गरेर यस्तो जानकारी दिएका हुन् । ¥याप स्टार राष्ट्रिय प्रतियोगिताको पाँचौं राउण्डसम्म पुग्न सफल ¥यापर गायक स्काईएडीले स्थानिय व्याण्ड आरोहका स्थानिय कलाकारहरुको साथमा एकल प्रश्तुती दिने तयारी रहेको पत्रकार सम्मेलनमा जानकारी दिईएको छ ।
पत्रकार सम्मेलनमा होली पर्व विशेष कार्यक्रमका संयोजक सिरज जोशी, धनकुटाको स्वयमसेवी संस्था डिफोर ग्रुपका दिवश राई, कलाकार व्यवस्थान संयोजक अभिनय राई, प्रचार प्रसार समितिका संयोजक समिर श्रेष्ठ लगायतका उपस्थिति रहेको थियो । यस अघि ०७४ सालमा होली पर्वको अवसरमा आयोजक संस्थाले सांगितिक कार्यक्रम सम्पन्न गरेको थियो । कार्यक्रममा हजारौं दर्शकले अवलोकन गर्ने आयोजक संस्थाले अपेक्षा गरेको छ ।
