धरान/धरानकी निसी लिम्बू (मेन्याङ्बो) यतिखेर चौथो बराह ज्वेलरी मिस लिम्बूको फाइलन राउण्डमा प्रतिस्पर्धा गर्ने मध्येकी एक हुन् ।
धरान–१५ की निसी यतिबेला काठमाडौंको बन्दक्याम्पमा प्रशिक्षण लिइरहेकी छन् । असोज १२ गते हुने ग्राण्ड फिनालेमा २१ नम्बर ट्यागमा देखिदै छिन् । २२ जना स्पर्धी मध्येकी उनी धरानबाट प्रतिनिधित्व गरिरहेकी छन् । त्यसो त धरानबाट प्रतिनिधित्व गर्ने अर्की स्पर्धी पनि छन् ।
फाइनलका लागि तयारी राम्रै भइरहेको उनी बताउँछिन् । ‘तयारी सबै राम्रै भइरहेको छ ।’ उनी भन्छिन् । धरान उच्चबाट व्यवस्थापन संकाय बिविएसकी तेस्रो वर्षमा अध्ययनरत निसीले भाषा संस्कृति सम्बन्धी व्युटी पेजेन्ट भएकाले पनि स्पर्धामा सहभागी बनेको बताउँछिन् । बन्द प्रशिक्षणमा रहेकी उनी पब्लिक च्वाइस र पिपल च्वाइसमा जिताउन एसएमएस र फेसबुक पेजमा लाइक गर्नु पर्ने उनी बताउँछिन् ।
याक्थुम युथ एसोसिएसनको आयोजनामा भइरहेको स्पर्धामा सबैभन्दा बढी एसएमएस र लाइक पाउनेले पिपल च्वाइस र पब्लिक च्वाइसको टाइटल जित्नेछन् । उनले आफूलाई भोट गर्नको लागि मोबाइलको म्यासेज बक्समा गएर ३४२४३ मा एमएल स्पेस २१ लेखेर सेन्ड गर्नु पर्ने बताइन् ।
त्यस्तै फेसबुकमा वि लिम्बूको पेजमा गएर कन्टेष्टेन्ट नम्बर २१ को निसी लिम्बूको फोटोमा लाइक गर्नु पर्ने उनले बताइन् । त्यसमा जसको सबैभन्दा बढी भोट प्राप्त हुन्छ उसैले टाइटल जित्ने उनले बताइन् । उनले आफूलाई जिताउनको लागि धरानबासीसँग आग्रहसमेत गरेकी छन् ।
