पानीका स्रोत सुक्न थालेपछि पानी मिल बन्द

alt
  • मंसिर ११, २०७३
  • ४५७ पटक पढिएको
  • ब्लाष्ट खबर

बेनी (म्याग्दी)/पानीका मुहान सुक्दै जान थालेपछि म्याग्दीका ग्रामीण क्षेत्रमा साना उद्योगका रूपमा सञ्चालित पानी मिल बन्द हुन थालेका छन् । pani gatta पानीको अभावमा जिल्लाका ज्यामरुककोट, भकिम्ली, मराङ, बिम, मुना, बरङ्जा, रुमलगायतका गाविसमा सञ्चालित बीस वटा पानी मिल बन्द भएपछि मिलमा आश्रित बीस घरपरिवारलाई जीविकोपार्जनमा समस्या परेको छ । बर्सेनि मुहानमा पानी सुक्दै जान थालेपछि ३० वर्षदेखि तोरी पेल्ने र अन्न कुटानी पिसानी गर्दै आएको बरङ्जाको अर्जेखोलामा सञ्चालित पानी मिल बन्द गर्नुपरेको सञ्चालक डिलबहादुर श्रीषसले बताए । “अझै केही वर्ष यस्तै तवरले मौसम परिवर्तन हुने र खडेरी पर्ने हो, भने पानी मिल व्यवसाय नै विस्थापित हुन सक्छ” उनले निराश हुँदै भने । “पहिले फर्निचर पनि सञ्चालित सो मिलमा तोरीसहित दैनिक १५÷१६ मुरी धान, गहुँ, मकै, कोदो आदि अन्न कुटानी पिसानी हुने गर्दथ्यो । पानी मिलमा कुटानी पिसानी गरेको अन्न खानका लागि स्वादिलो, स्वास्थ्यवद्र्धक र लामो समयसम्म भन्डारण गरेर राख्न सकिने बरङ्जा– ७ दुर्दीका मनलाल खत्रीले बताए । ‘घट्ट भन्दा धेरै छिटो कुटानी पिसानी गर्न सकिन्छ, लामो समयसम्म भन्डारण गरेर उपभोग गर्दा पनि कीरा लाग्दैन’ खत्रीले पानी मिलको फाइदाबारे वर्णन गर्दै भने ‘खाँदा पनि स्वादिलो हुन्छ ।’ तर अहिले मिल बन्द हुँदा ग्रामीण क्षेत्रका बासिन्दा चिन्तित भएका स्थानीय शिक्षक कृष्णप्रसाद सापकोटाले जानकारी दिए । डिजेल मिलको तुलनामा पानी मिल करिब पाँच गुणा सस्तो हुने भएकाले यसलाई प्रोत्साहन गर्नुपर्ने सर्वसाधारणको भनाइ छ । रासस

प्रतिष्ठानको मर्चरीम ...

धरान / धरानस्थित वीपी कोइरालास्वास्थ्य विज्ञान प्रतिष्ठ ...

यसरी दाैडियाे धरान ...

धरान / आज फागुन १० गते शनिबार धरान १० के रन आठौँ नेवाच् ...

पाँचौं पटक नेवा च्या ...

धरान । नेवा च्यारिटी १० के रनमा भारतीय सेनाका बागलुङ नि ...

सहाराका अध्यक्ष रहेन ...

बिर्तामोड /  देशकै सबैभन्दा धेरै सदस्य रहेको झापाक ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved