इलाम/ होटल एशोसिएसन इलामको अध्यक्षको निर्वाचनमा पविमाया गुरुङलाई पछि पार्दै देवी पौड्याल निर्वाचित भएका छन् । पौड्याल प्रतिस्पर्धी गुरुङलाई ३० मतले पछि पार्दै निर्वाचित बनेका हुन् । यस्तै समितिको बरिष्ठ उपाध्यक्षमा ऐइतसिंह तामाङ, उपाध्यक्षमा प्रेम सापकोटा र गणेश सापकोटा, सहसचिवमा बिमल पौडेल सर्वसम्मतिमा चयन भएका छन् ।
समितिको कोषाध्यक्षमा मिलन राई निर्वाचित भएका छन् । राई प्रतिस्पर्धी दीपक प्रसाईंलाई १४ मतले हराउदैँ निर्वाचित बनेका हुन् । यस्तै समितिको सदस्यहरुमा खड्गकुमारी गुरुङ, जमिला तुगेनाम्बा, पर्शुराम दुलाल, नाईन्द्र तुम्वापो, विजय ताम्राकार, टीकामाया वम्जन, दावाछेत शेर्पा, गणेश राई चयन भएका छन् ।
अध्यक्ष पौड्यालले अाफ्नाे कार्यकालमा एशोसिएसन जिल्लाको सङ्घसंस्था, राजनैतिक दलहरुको सम्बन्ध र भाइचारालाइं मजबुत बनाउने, होटलहरु पर्यटकमैत्री बनाउन पहल गर्ने जस्ता कार्य गर्ने प्रतिबद्धता समेत गरेका छन् ।
