इटहरी/ इटहरी–६ पश्चिमलाईनस्थित गोमा शर्मा रिजालको घरमा आगलागी हुँदा सो घरमा सञ्चालित बालाजी मार्वल र आयुर्वेदिक पसल जलेर नष्ट भएको छ । रिजालको घरमा हितेन्द्र गोयलले बालाजी मार्वल र विराटनगर बस्ने योजेन्द्र खड्काले आयुर्वेदिक पसल सञ्चालन गर्दै आएका थिए ।
प्रहरीले दिएको जानकारी अनुसार बिहीबार राती १ बजेको समयमा आगलागी भएको हो । आगलागीबाट बिराट आयुर्वेद पसल र बालाजी मार्वल एन्ड सेनेटरी क्षति भएको छ । झण्डै तीन घण्टा पछि विहान आगालागी नियन्त्रणमा आएको थियो ।
आगलागी नियन्त्रणमा लिन इटहरी, धरान, इनरूवा र विराटनगरबाट दमकल आएका थिए । आगलागी भएको स्थान नजिक पेट्रोल पम्प समेत सञ्चालनमा छ । विद्युत सर्ट भएर आगलागी भएको बताइएको छ ।
आगलागी नियन्त्रणमा लिन नेपाल प्रहरी, शसत्र प्रहरी एवं सर्वसाधारणहरूको उपस्थिती रहेको थियो । आगलागीबाट क्षतिको विवरण एकिन नआए पनि ६ करोड रुपैयाँ भन्दा बढीको क्षति भएको मावर्ल हासउका हितेन्द्र गोयलले बताए ।
