बराहक्षेत्रमा करेन्ट लागेर एकको मृत्यु, दुई घाइते

धरान/सुनसरीको बराह नगरपालिका १ मा शुक्रबार राती करेण्ट लागेर एक जनाको मृत्यु भएको छ । दुईजना घाइते छन् । घाइतेहरुको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ । करेन्ट लागेर ४२ वर्षीया रुपा राईको उपचारको क्रममा बीपी प्रतिष्ठानमा मृत्यु भएको हो । राईको टीनले छाएको एक तले घर माथिको विजुलीको नाङ्गो तार चुडिएर खसेपछि करेन्ट लागेको थियो । राईको २३ वर्षीय छोरा आकाश राई छोरी २१ वर्षीया रचना राई घाइते भएको चतरा प्रहरीले जनाएको छ ।