ताप्लेजुङ । ताप्लेजुङको पाथिभरा मन्दिर जाने तिर्थयात्री बोकेको ट्याक्सी सोमबार विहान दुर्घटना परेको छ । ट्याक्सी दुर्घटना परी एक तिर्थयात्रीको घटनास्थलमै मुत्यु भएको छ भने, चार जना गम्भिर रहेको प्रहरीले जनाएको छ । दुर्घटना परी मोरङ उर्लाबारीकी २५ वर्षिया अनिता थापा घिमिरेको घटनास्थलमै मुत्यु भएको प्रहरीले जनाएको छ ।
दुर्घटनामा घाइते हुने उर्लाबारी–४ का २८ वर्षिय होमु घिमिरे, उर्लाबारी–४ का २६ वर्षिय दिलिप घिमिरे र इलामका २३ वर्षिय चालक अमित श्रेष्ठ रहेका छन् । अर्का घाइते उर्लाबारी ८ का २३ वर्षिय अनिलजंग थापाको अवस्था सामान्य रहेको मगरले बताए । घाइतेलाई उपचारको लागि जिल्ला अस्पताल ताप्लेजुङ तर्फ ल्याइदै गरेको जिल्ला प्रहरी कार्यालय ताप्लेजुङले जनाएको छ । सदरमुकाम फुङलिङबाट गएको मे १ ज १३०८ नंबरको ट्याक्सी भालुगौडे भन्ने स्थानमा यात्रु ओराल्ने क्रममा दुर्घटना भएको थियो । सदरमुकाम फुङलिङबाट गएको मे १ ज १३०८ नंबरको ट्याक्सी भालुगौडे भन्ने स्थानमा यात्रु ओराल्ने क्रममा दुर्घटना भएको हो । दर्शनार्थी ओराल्न गाडी पछाडी सार्ने क्रममा चिप्लिएर सडकबाट २ सय मिटर तल खसेको डिएसपी ज्ञानेन्द्र बहादुर बस्नेतले बताए । ट्याक्सीमा ६ जना सवार थिए ।
