विजयपुर । आफ्नै प्रेमिकाको हत्या गरेको आरोपमा धरान ८ का प्रदिप शंकर पक्राउ परेका छन् । उनलाई इलाका प्रहरी कार्यालय धरानको टोलिले बुधबार पक्राउ गरेको हो ।
शंकरलाई आफ्नी प्रेमिका धरान–७ स्थित परेली होटलमा काम गर्ने उदयपुर ठोक्सीला घर भएकी २४ बर्षिया भावना मगरको हत्या गरेको अरोपमा प्रहरीले पक्राउ गरेको हो ।
उनी प्रमिका भनिएकी भावना मगर बुधबार परेली होटलको स्टाफ रुपमा झुण्डीएको अबस्थामा फेला परेकी थिइन ।इलाका प्रहरी कार्यालय धरानले दिएको जानकारी अनुसार मङगलबार साँझ भावनासँग सुत्न गएका प्रदिप विहान फरार भएका थिए । होटलकै कर्मचारीलाई उदृत गदैै प्रहरीले दिएको जानकारी अनुसार प्रदिप र मृतक भावना बुधबार विहान ४ बजे सम्म वियर खादै झगडा गरेका थिए । विहान ५ बजे भावना झुण्डिएको अबस्थामा फेला परेकी थिइन भने उनका प्रेमी प्रदीप फरार भएका थिए । प्रदिप बिरुद्ध ज्यानमार्ने उद्योगमा जाहेरी परेको इलाका प्रहरी कार्यालय धरानका डिएसपी रामेश्वर पौडेलले बताए । घटनाको बारेमा थप अनुसन्धान भई रहेको उनले बताए ।
