झापा । झापाको शिवसत्ताक्षी नगरपालिका १० स्थित भालुखोलामा शुक्रबार बिहान मारुती भेनको ठक्करबाट मोटरसाईकलमा सवार १ जनाको मृत्यु भएको छ भने भेनमा सवार ४ जना घाईते भएका छन्।
बा १० च ९७१८ नम्बरको मारुती भेनको ठक्करबाट मे ६ प २३३३ नम्बरको मोटरसाईकलमा सवार चालक शिवसत्ताक्षी ९ बस्ने २२ बर्षिय सनम कन्दङ्वाको उपचारको क्रममा बि.एण्ड.सी. अस्पताल बिर्तामोडमा मृत्यु भएको इलाका प्रहरी कार्यालय झिलझिलेले जनाएको छ।
बिहान साढे ८ बजे भएको उक्त दुर्घटनामा परी भेनमा सवार झापा अर्जुनधारा नगरपालिका ९ बस्ने ३६ बर्षिया गीता कार्की, बिर्तामोड ५ बस्ने ३१ बर्षिय राजु दाहाल, २८ बर्षिया अन्जना दाहाल र ८ बर्षिय बालक अनुराग दाहाल घाईते भएका छन्।
घाईते चारै जनाको बिर्तामोडमा उपचार भईरहेको इप्रका झिलझिलेले जनाएको छ।
