झापा/ झापाको कचनकवल गाउँपालिका–३ मा शानिबार राति जंगली हात्तीले ४ वटा घर भत्काएको छ ।
राती जंगलबाट आएको ७ वटा हात्तीको समूहले वडा सदस्य धनलाल राजवंशीको पक्कि घरको टिन उक्काएको छ । यस्तै गंगा राजवंशी, सिजुवा राजवंशी र चिरन राजवंशीको घर भत्काएको छ । हात्तीले चिरन राजवंशीको घर भत्काउनका साथै किराना पसलमा राखिएका खाध्यान्न सामाग्रीसहित ८ मन धान नष्ट पारेको चिरन राजवंशीले जानकारी दिए ।
जंगली हात्तिले झापाका पथरीया, जलथल, डाँगिबारी,बालुबारी, केचना, भद्रपुरमा उपद्रो मच्चाउँदै आएको छ । यसैबीच स्थानीय प्रशासनले हात्ती धपाउन सहयोग नगरेको भन्दै स्थानीयले गुनासो गरेका छन् ।
