पाँचथर/ सदरमुकाम फिदिममा शनिबार चेतनामुलक सडक नाटक मञ्चन गरिएको छ । सफल ब्यापारका लागि चिया उद्योगले गर्नुपर्ने अभ्यास र श्रमिकका हक, अधिकारहरु नाटक मार्फत सर्वसाधरणलाई बुझाइएको थियो ।

अन्तरष्ट्रिय श्रम संगठन (आइएलओ) को सहयोगमा लेकाली चिया उद्योग पाँचथरले नाटक मञ्चन गरेको हो । प्रेम नेपालको लेखन र कमल घिमिरेको निर्देशनमा तयार पारिएको नाटकमा संघर्ष खतिवडा, चेतन घिमिरे, एञ्जिना उप्रेति, समिक्षा लिम्बू, सागर माङ्मु लगायले अभिनय गरेका थिए ।