विराटनगर/ मोरङको छुट्टा छुट्टै तीन स्थानमा मंगलबार भएको सवारी दुर्घटनमा ७ जना घाइते भएका छन्।
उर्लाबारी नगरपालिका-७ उर्लाबारी-राजघाट सडक खण्डमा तिन वटा मोटरसाइकल आपसमा ठोक्किदा मोरङ रतुवामाई नगरपालिका-६ बस्ने ३६ बर्षिय रमेश पुरी, सोही ठाउँका ५० बर्षिय बालकृष्ण निरौला, ३९ बर्षिय लोकेन्द्र थापा र २२ बर्षिय सुजन सुबेदी घाइते भएका छन्।
घाइतेको उर्लाबारी र नोबेल अस्पतलामा उपचार भइरहेको छ। उनीहरु सवार मे ५ प ७३७४, को १२ प ३२२२ र अर्को नम्बर नखुलेको मोटरसाइकल अपरान्ह ३ बजेतिर आपसमा ठोक्किएको इलाका प्रहरी कार्यालय उर्लाबरीले जानएको छ। यता सुन्दर-हरैचा नगरपालिका-११ खोर्सानेमा स ६प ७८१६ नम्बरको मोटरसाइकल र बा ४९ प ७८४२ नम्बरको स्कुटर आपसमा ठोक्किदा स्कुटर चालक बेलबारी नगरपालिका-६ बस्ने २८ बर्षिय बिबेक पोखरेल र पछाडी सबार उनकै बुबा ५१ बर्षिय कृष्ण प्रसाद पोखरेल घाईते भएका छन्।
घाइते दुवैरको न्युरो अस्पताल बिराटनगरमा उपचार भइरहेको छ भने मोटरसाइकल चालक प्रहरीको नियन्त्रणमा छन्। त्यसैगरी पथरीशनिश्चरे नगरपालिका-१० स्थित डांसखोलाको पुल नजिकै को ११ प ७००८ नम्वबरको मोटरसाइकल अनियन्त्रीत भई दुर्घटना हुदा मोटरसाइजकल चालक मोरङ मिक्लाजुङ गाउँपालिका-५ बस्ने ४२ बर्षिय संतोष ढकाल घाइते भएका छन्। उनको नोबेल अस्पताल बिराटनगरमा उपचार भइरहेको छ।
