धरान – विराटनगर सडक निर्माणमा मुख्यमन्त्री राईको चासो

 निर्माणधिन इटहरी तरहरा सडक खण्ड सडक खण्डको इटहरीदेखि तरहरासम्मको ५ किलोमिटर सडक अत्याधुनिक बन्ने भएको छ । इटहरी चोकदेखि तरहरासम्म हालको सडकको बीच भागबाट २५ मिटर दायाँ बायाँसम्म सडक फैलिने परियोजनाका इन्जिनियर सुुमोद पोखरेले जानकारी दिए ।

सडक निर्माणमा विभिन्न कानुनी उल्झन देखिए पनि सडक विभागको पक्षमा फैसला भएको हुँदा सडक निर्माण नरोकिने पोखरेलले बताए । राजमार्ग निर्माण व्यवस्था ऐन अन्तर्गत २०२१ फागुन १६ मा जोगवनी–धरान सडकलाइ सेन्टर लाइनबाट दायाँ बाँया २५–२५ मिटरको बाटो बनाउने निर्णय भएको अभिलेख रहेको छ ।

इटहरी तरहरा सडक ५ किलोमिटर लामो हुनेछ भने चौडा ५० मिटरको हुने इन्जिनियर पोखरेले जानकारी दिए । सडकको बीच भागमा ३ मिटरको बगैंचा निर्माण गरिने उनले बताए । बगैंचाको बीचमा सोलार बत्तीको व्यवस्था रहने उनले बताए । सडकको दाँया बाँया फुुटपाथ र साइकल लेन निर्माण हुने भएको छ ।

यो सडक निर्माणका लागि दशैंपछि १ करोड ८० लाख रुपैयाँमा ठेक्का लागेको छ । आशिष सन्तोषी लुुम्बिनीले तरहरादेखि काम गरिरहेको छ भने स्वच्छन्द कान्छाराम सैलुङ जेभीले इटहरीदेखि काम शुरु गरेको छ । समयमा रकम भुुक्तानी भएमा निर्धारित २ वर्ष भित्रमा निर्माण सक्ने ठेक्का पाएका ठेकेदार कम्पनीले बताए ।

साभारः न्यूजलय