पाँचथर/ मेची राजमार्गको इलाम–फिदिम सडकखण्ड अन्गर्तत पाँचथरको फाल्गुनन्द गाउँपालिका–३, तीनपाङ्ग्रेमा सवारी दुर्घटना हुँदा एक जनाको मृत्यु भएको छ ।
मृत्यु हुनेमा फाल्गुनन्द–२, बस्ने ५८ लीलामाया चेम्जोङ रहेको प्रहरीले जनाएको छ । दुर्घटनामा परी अन्य आठ जना घाइते भएका छन् ।
उनीहरुको अवस्था भने सामान्य रहेको बताइएको छ । झापाको बिर्तामोडबाट पाँचथरको फिदिम आउँदै गरेको मे १ ज २९९३ नम्बरको जीप र फिदिमबाट राँके जाँदै गरेको मे १ त ३५५३ नम्बरको ट्याक्टर बिहीबार राती दश आपसमा ठोक्किदा सो दुर्घटना भएको हो ।
