भोजपुर/ भोजपुरमा लेखापाल नहुँदा त्यँहाका भुकम्पपीडितले राहात पाएका छैनन् । जिल्ला समन्वय समितिमा लेखापाल नहुँदा भूकम्पपीडितको रकम ३ महीनादेखि रोकिएको हो ।

लेखापाल नहुँदा भूकम्पपीडितको पहिलो किस्ताकै अनुदान रकम वितरण कार्य प्रभावित बनेको छ। समितिमा कार्यरत लेखापाल तथा लेखा अधिकृत अन्यत्र सरुवा भएपछि काम गर्न समस्या भएको हो । एक जना लेखापाल भदौमा र लेखा अधिकृतको पुसमा सरुवा भएको थियो ।

कोष तथा लेखा नियन्त्रण कार्यालय भोजपुरले एक जना लेखापालको व्यवस्था गरी पठाए पनि ती लेखापालले समितिमा काम गर्न नसक्ने भन्दै फर्किएको भूकम्पीय निजी आवास पुनर्निर्माण आयोजनाका स्रोतव्यक्ति धनकुमार राईले बताए । जिल्लामा हालसम्म ५ हजार ७ सय ४९ घर पूर्ण क्षति भएको विवरणमध्ये ५ हजार १ सय घरपरिवारलाई मात्र पहिलो किस्ताको रकम वितरण गरेको छ ।