तरहरा/ तरहरा आसपासका पोलमा जथाभाब झुण्डाईएका झण्डा तथा ब्यानरहरु तरहराका युवाहरु मिलेर आईतर सफा गरेका छन् । तरहरा बजार क्षेत्रका पोलहरुमा गएको निर्वाचनमा झुण्डाएको झण्डाहरु युवाहरु मिलेर हटाएका हुन ।
सामाजिक युवा अभियन्ता नवीन गुरुङ सोल्टी , बहत्तर लिम्बु ,ध्रुब भण्डारीको सक्रियतामा स्थानीय युवा, सामाजिक संघस्था एवं राजनीतिक दलले झुण्डाएका पार्टीका झण्डाहरु, विभिन्न विज्ञापन तथा फोहोर सामाग्रीहरु पोल तथा सार्वजनिक स्थलबाट हटाउने र सरसफाई गर्ने अभियान थालेको अभियान्ता सोल्टीले बताए । इटहरी उपमहानगरपालिका वडा नम्वर २० का कार्यवहाक वडा अध्यक्ष राम बहादुर गिरीले सफाई गर्नु राम्रो भएको भन्दै सफाईमा साथ दिएका थिए । समाजसेवी नारायण गिरी, राजु श्रेष्ठ, कुमार शाक्य, शिव रुम्दाली राई, रेड्क्रस तथा जेसीजका भूपाल गुरुङ, भरत गिरी, उमेश राई (कान्छा), स्थानीय युवाहरु ताराकाजी राई, रवीन भट्टराई, विवेक पाण्डे, ललित गुरुङ, लक्ष्मण गुरुङ लगायतको सक्रियता थियो ।
