भद्रपुर । भन्सार छली तस्करीको माध्यमबाट भारत लैजादै गरेको अवस्था ३ सय किलो स्याउ प्रहरीले बरामद गरेको छ ।वडा प्रहरी कार्यालय भद्रपुरको टोलीले भद्रपुर ४ स्थित डाँगीबारीबाट शुक्रवार विहान ३ सय केजी स्याउ बरामद गरेको हो । ३५ हजार मुल्य बराबरको स्याउसहित टोलीले तस्करीमा प्रयोग गरिएको ५ थान साइकल समेत नियन्त्रणमा लिएको वडा प्रहरी कार्यालय भद्रपुरका इन्सपेक्टर प्रकाश जवेगूले जानकारी दिए ।
उनका अनुसार स्याउका झोलालाई साइकलमा लोड गरी भारत तर्फ तस्करी गरिरहेको अवस्थामा प्रहरीले फेला पारेको हो । बरामद सामानलाइ मेची भन्सार कार्यालय काकडभिटटा पठाइएको इन्सपेक्टर जवेगूले जनाए ।पछिल्लो समयमा नाकाबाट तस्करीको गतिविधि फस्टाएसँगै प्रहरीले सक्रियता बढाएको छ ।
