पानवारी। १९ नं. वडा समितिको कार्यालय धरानले एक कार्यक्रमको आयोजना गरी वडाका सयजना जेष्ठ नागरिकहरुलाई लठ्ठि उपहार दिएको छ ।
धरान उपमहानगरपालिकाका मेयर तारा सुब्बाले कार्यक्रम जेष्ठ नागरिकहरुलाई खादा ओढाएर सम्मान गरेका थिए । कार्यक्रमको प्रमुख अतिथि समेत रहेका धरान उपमहानगरपालिकाका मेयर तारा सुब्बाले ‘यो देश बनाउन जेष्ठ नागरिकको महत्वपूर्ण भूमिका रहेको’ भन्दै जेष्ठ नागरिकहरु सदैव समाजको लागी सम्मानीत हुने बताए । मेयर सुब्बाले यस अघि १८ नं. वडामा ह्वील चेयर वितरण गर्दा अपुग भएको स्मरण गर्दै थप ह्वील चेयर वितरणका लागी मेयर कोषबाट १ लाख छुट्याएको बताएका थिए ।
