पानवारी / २०७४ सालको एसईई परिक्षामा उत्कृष्ट नजिता हाँसिल गर्ने मजदुरका छोराछोरीलाई यातायात मजदुरको संगठनले सम्मान गरेको छ ।
मंगलबार नेपाल यातायात मजदुर संगठन धरान उपमहानगर कमिटिल आफ्नै कार्यालयमा एक कार्यक्रममा आयोजना गरी धरानमा रहेका यातायात मजदुरका छोराछोरी मध्येबाट उत्कृट नतिजा हाँसिल गर्ने ४ जनालाई नगद सहित सम्मान गरेको हो । सम्मानीत हुनेहरुमा ए प्लस ग्रेड ल्याई उत्तिर्ण हुने प्रदोश अधिकारी त्यसै गरी ए ग्रेडमा उत्तिर्ण हुने पौरण तामाङ, सुमित कार्की र स्नेहा खतिवडा रहेका छन् । उनीहरुलाई नगद रु ३ हजार सहित सम्मान पत्रले सम्मान गरिएको थियो । संगठनले प्रत्येक वर्ष एसईईमा उत्कृष्ट नतिजा ल्याउने यातायात मजदुरका छोराछोरीलाई सम्मान गर्दै आएकोछ । संगठनका केन्द्रीय अध्यक्ष भीम ज्वाला राई, प्रदेश संयोजक गौरी लामा, सचिव लक्ष्मी बानिया, धरान उपमहानगर कमिटि अध्यक्ष कमल भट्टराई सहित नेकपाका धरान संयोजक नारायणप्रसाद सुवेदी लगायतले विद्यार्थीहरुलाई सम्मान गर्दै उज्वल भविष्यको कामना गरेका थिए ।
