धरान । युनिक पुल हाउस एन्ड खाजा घरको आयोजनामा आज (बिहीबार) देखि युनिक पुल हाउस धरान स्नुकर च्याम्पियन सुरु हुँदै छ ।
धरान–५ सिरान देउरालीमा हालै खाजा घर सञ्चालनमा आएको हो । उद्घाटनकै अवसर पारेर प्रतियोगिता गर्न लागेको खाजा घर सञ्चालक चन्द्र लिम्बूले जानकारी दिए ।
प्रतियोगितामा धरानभरिका पचास टिम सहभागी बन्ने जनाइएको छ । विजेताले नगद तीस हजार, ट्रफी र प्रमाण–पत्र पाउने जनाइएको छ ।
त्यस्तै उपविजेतालाई नगद २० हजार, ट्रफी र प्रमाण–पत्र दिइनेछ । प्रतियोगिताको सेन्चुरी ब्रेक गर्नेलाई नगद १५ हजार र हाइएस्ट बे्रकलाई नगद १० हजार रुपैयाँ, ट्रफी र मेडल प्रदान गरिने जनाइएको छ । स्नुकर खेल तथा खेलाडीलाई प्रवद्र्धन गर्न प्रतियोगिता गर्न लागिएको कार्यक्रम संयोजकसमेत रहेका सञ्चालक लिम्बूले बताए ।
