वराहक्षेत्र । आजबाट शुरु भएको बराहक्षेत्र मेयर लिग कप फुटबल प्रतियोगिताको उद्घाटन खेल बराबरीमा टुंगिएको छ । वडा नम्बर ३ र १ बिच भएको खेल गोलरहित भएको थियो । खेलको मयन अफ द म्याच वडा नम्बर १ का टिम क्यापटेन दिवस सुब्बा घोषित हुदै नगद २ हजार प्राप्त गरे ।
वडा नम्बर ७ को देवीघाट स्थित बसन्तऋतु माविको खेल मैदान भईरहेको प्रतियोगिताको आइतवार हुने खेल बडा नम्बर ४ र ९ का बिच हुने आयोजक वराहक्षेत्र नगर खेलुकद विकास संयोजक तथा वडा नम्बर ७ का अध्यक्ष कपिल आचार्यले बताए ।
प्रतियोगिताको विजेताले नगद २ लाख १ हजार धनराशि सहित चांदीको ट्रफी यसैगरी उपविजेताले १ लाख १ हजार रुपैंया पाउँनेछन् । खेलमा तेश्रो हुनेले ५० हजार र चौथो हुनेलाई २५ हजार नगद सान्तवना पुरस्कार रहेको संयोजक आचार्यले बताए ।
११ टिम सहभागी प्रतियाेगिताको प्रत्येक दिनको म्यान अफ द म्याच पुरस्कार नगद २ हजार १ सय र विधागत उत्कृष्ठ खेलाडीले ५ हजार रुपैंया प्राप्त गर्ने छन् । १८ लाख ८५ हजार बजेटको लिग कप फुटवल प्रतियोगितामा केही खेलहरु कालाबन्जर चक्रघट्टी हुने आयोजकले बताएको छ । खेलको समापन चैत्र २४ गते हुने छ ।
