धरान । धरान मेघा कलेजले आफ्नो बास्केटबल टिमलाई बिदाइ गरेको छ ।
आज (आइतबार)देखि उपत्यकामा सुरु हुन लागेको एलडिडिए थ्री बाइ थ्री पुरुष बास्केटबल प्रतियोगिताका लागि कलेजका टिमलाई बिदाइ गरेको हो । प्रतियोगिता ललितपुर जिल्ला बास्केटबल सङ्घको आयोजनामा हुन लागेको छ ।
धरान मेघा कलेज टिममा प्रदेश १ का बास्केटबल टिम क्याप्टेन विवेक श्रेष्ठ, सर्वधन राई, कविन मगर र सन्तोष तामाङ रहेका छन् । शुक्रबार कलेजले विद्यार्थीहरूलाई जितको शुभकामना दिँदै बिदाइ गरेको हो ।
काठमाडौंको त्रिपुरेश्वर कभर्डहलमा हुन लागेको प्रतियोगितामा कोशी प्रदेशको सुनसरी र विराटनगर गरी कुल २४ टिम सहभागी रहेको आयोजकले जनाएको छ । बिदाइ कार्यक्रममा धरान मेघा कलेजका प्राचार्य भाष्कर पौडेल, आइडल स्कुलका प्रिन्सिपल सागर खड्का, एमालेका युवानेता भीमज्वाला राईलगायतको उपस्थिति रहेको थियो ।
