मिर्गाैलापीडित राईलाई आर्थिक सहयोग

काठमाडौँ/इलामस्थित इलाम बजारका मिर्गाैलापीडित मानबहादुर राईलाई उपचारार्थ आर्थिक सहयोग गरिएको छ । इलाम हङकङ समाजले यहाँ शनिबार आयोजित कार्यक्रममा राईलाई उपचारार्थ रु ५५ हजार ८० आर्थिक सहयोग गरेको हो । समाजकी उपाध्यक्ष दीपा एवाई राईले इलामेली समाज काठमाडौँ अध्यक्ष राधेश्याम लेकालीमार्फत राईलाई सहयोग हस्तान्तरण गरेकाे हो । सहयोग हस्तान्तरण गर्दै उपाध्यक्ष राईले आफूहरुको सहयोगले राईलाई केही उपचार गर्न सहयोग मिल्ने बताउँदै इलामको समाजसेवामा सदैव तयार रहेको बताए । राई एक महिनादेखि विराटनगरमा उपचारार्थ छन् । उनका दुवै मिर्गौला खराब भएका छन् । चिकित्सकले दुवै मिर्गाैला प्रत्यारोपण गर्ने भने तापनि आर्थिक अभावले समस्या परेको इलामेली समाज काठमाडौँका अध्यक्ष लेकालीले जानकारी गराए । उनले राईको उपचारार्थ अन्य ठाउँबाट पनि सहयोग रकम सङ्कलन गरिने बताए।