बार्सिलोना हार्दा रियललाई फाइदा

धरान /स्पेनका चर्चित क्लब मध्येको बार्सिलोना स्पेनिस ला लिगामा अप्रत्यासित हार बेहोर्दा अर्को मंहगो क्लव रियल म्याड्रिड भने सहज जित निकालेको छ । बार्सिलोनाले गए रातिको खेलमा नवप्रवेशी आलाभेसबाट २–१ गोल अन्तरले हार बेहोरेको हो । खेलको ३९ औं मिनेटमा आलाभेस क्लवबाट अग्रता कायम गरेको थियो । तर, बार्सिलोनाले केही समयमै बराबरीमा रोके । सुरुवाती समयमा प्रशिक्षक लुइस इनरिकले लिओनल मेसी र लुइस सुआरेजलाई टिममा समावेश गरेका थिएनन् । पुनः खेलको ६४ औं मिनेटमा गोमेज परेजले गोल गर्दै टिमलाई जिताए । यो हारसँगै बार्सिलोना रियल मड्रिडभन्दा ३ अंकले पछाडि परेको छ । रियलले ओसासुनालाई ५–२ गोल अन्तरले हराउँदा युरो कपबाट घाइते बनेका क्रिष्टियानो रोनाल्डोले कमब्याक गर्दै गोल गरेका छन् ।