धरान/च्याम्पियन्स लिगमा साविक विजेता रियल म्याड्रिडले कठिन जित हात पारेको छ । गए रातिको खेलमा रियलले पोर्चुगलको स्पोर्टिङ लिस्बोन क्लवलाई २–१ गोल अन्तरले हराउँदै जित हात पारेको हो । रियलले समय सकिन लाग्दा गोल गर्दैै टिमलाई जिताएको हो । अन्तिमको पाँच मिनेटमा रियलले दुई गोल गर्दै जित सुनिश्चित गरेको हो । एक एक गोलको बराबरीमा रोकिएको टिमले दुई मिनेट बाँकी रहँदा अल्बारो मोराटाले गोल गर्दै टिमलाई जिताएका थिए । पहिलो हाफमा बराबरीमा रोकिएको लिस्बनले दोस्रो हाफको ४७ औं मिनेटमा ब्रुनो सेसरले गोल गर्दै टिमलाई अग्रता दिलाए पनि त्यो गोल सान्तवना मात्रै बन्न सक्यो । रियल मड्रिडलाई ८९ औं मिनेटमा क्रिस्टियानो रोनाल्डोले २५ यार्ड टाढा गरेको प्रहार विपक्षी गोलरक्षकको हातमा ठोक्किएर गोलमा परिणत भएको थियो ।