धरान/मोरङको बिराटनगर भन्सार कार्यालयको १ नम्बर ढाटबाट एकलाख बढी मूल्यको कपडा प्रहरीले बरामद गरेको छ । सोमबार भारतबाट ल्याउने क्रममा सादा पोसाकमा खटिएको प्रहरी टोलीले कपडा बरामद गरेको हो । इलाका प्रहरी कार्यालय रानीबाट खटिएको टोलीले ४३ थान साडी र २५ थान टप्स बरामद गरेको हो । जसको नेपाली मूल्य अन्दाजी १ लाख ४१ हजार ५ सय रुपैया रहेको प्रहरीले बताएको छ । भन्सार छली गरी ल्याउँदै गरेको उक्त समानका धनी प्रहरीलाई देख्नासाथ भागेको प्रहरीले बताएको छ । बरामद कपडा भन्सार कार्यालय रानीमा बुझाईने इलाका प्रहरी कार्यालय रानीले जनाएको छ ।