एजेन्सी /आजभोलि बलिउडमा रणवीर सिंह र दीपिका पादुकोणको मायाप्रेमको विषयमा निकै चर्चा सुन्न पाइन्छ । साथै यी दुईको जोडीलाई धेरै दर्शकले मन पनि पराएका छन् ।
आफ्नो अजिब र अचम्म लाग्दो भविष्यवाणीमार्फत सधैँ चर्चामा आइरहने राशिद खान यानकी के आरकेले यसपटक आफ्नो निशानामा रणवीर र दीपिकालाई पारेका छन् । के आरकेले यी दुईको सम्बन्धलाई लिएर अचम्म लाग्दो भविष्यवाणी गरिदिएका छन् ।
के आरकेले सामाजिक सञ्जाल ट्विटरमा आफ्नो भविष्यबाणीको बारेमा लेख्दै रणवीर र दीपिकाले एक अर्कासँग विहे नगर्ने खुलासा गरिदिएका छन् । उनले लेखेका छन्, ‘मैले पहिलेपनि भनेको थिए कि सुशांत सिंह र अंकिताको बिहे हुँदैन भनेर । यो आखिरमा साचोँ भएर छाड्यो ।’
के आरकेले एक अर्को ट्विट लेख्दै, ‘ आज म यो पनि भन्छु कि रणवीर सिंह कुनै पनि हालतमा दीपिकासँग बिहे गर्नेछैनन् । उनीहरु बिहे यसकारण गर्दैनन् किनकी उनीहरु लवर्स होइनन् केवल राम्रो साथी मात्र हुन् ।’
केहि दिन अघि मात्र खबर आएको थियो कि रणवीर र दीपिकाको सम्बन्ध विग्रियो । दुवैको ब्रेकअफ भइसक्यो । तर दुवैले यसलाई हावादारी समाचार भएको बताएका थिए ।
चलचित्र ‘पद्मावती’ मा रणवीर अलाउद्दीन खिलजी साथै दीपिका ‘रानी पद्मावती’ को भूमिकामा देखिदैछन् । जसमा शाहिद कपूर राजा रतन सिंहको भूमिकामा देखिनेछन् ।
