खोटाङ, खोटाङमा खोलाको बगरमा गाडिएको अवस्थामा बालिकाको शव फेला पारिएको छ ।
रुपाकोट मझुवागढी नगरपालिका–१०, पाथेकाकी ८ वर्षीय लुमणी राईको शव चिम्चिमा खोलाको बगरमा गाडिएको अवस्थामा फेला परेको हो ।
बुधबार दिउसो करिब १२ बजेबाट हराएकी बालिकाको खोजी गर्ने क्रममा हत्या गरेर घर नजिकैको खोलाको बगरमा गाडिएको अवस्थामा त्यसै राती शव फेला पारिएको प्रहरीले जनाएको छ ।
हत्या आशंकामा प्रहरीले त्यसै स्थानका गौमणी राईको १६ वर्षका छोरा जीउधन राईलाई नियन्त्रणमा लिएको जिल्ला प्रहरी कार्यालय खोटाङका डिएसपी लोकदर्शन थापाले बताउनुभयो ।
पक्राउ परेका राईले बालिका हत्या गरेको स्वीकार गरे पनि हत्याको कारण खुल्न बाँकी रहेको प्रहरीले जनाएको छ । बालिकाको बलात्कारपछि हत्या गरिएको आशंका गरिएको छ ।
