ट्रम्पले कोरोनाभाइरसलाई ‘चिनियाँ भाइरस’ भनेपछि... तीनवटा अमेरिकी सञ्चारगृहका पत्रकारलाई चीनमा काम गर्न प्रतिबन्ध

alt
  • चैत्र ५, २०७६
  • १९६ पटक पढिएको
  • वीवीसी

चीन / अमेरिकामा केही चिनियाँ सञ्चारमाध्यममाथि प्रतिबन्ध लगाइएपछि प्रत्युत्तरमा चीनले तीन वटा अमेरिकी पत्रिकासँग आबद्ध पत्रकारहरूलाई आफ्नो मुलुकबाट निष्कासन गरेको छ।

चिनियाँ विदेश मन्त्रालयले द न्यूयोर्क टाइम्स, द वाशिङ्टन पोस्ट र द वाल स्ट्रीट जर्नलका पत्रकारहरूलाई उनीहरूसँग रहेको सञ्चारकर्मीको अनुमतिपत्र १० दिन भित्र फिर्ता गर्न निर्देशन दिएको छ।

मन्त्रालयले चीनमा उनीहरूको गतिविधिबारे पनि सूचना माग गरेको छ। उक्त कदम अमेरिकामा ‘चिनियाँ सञ्चारमाध्यममाथि लगाइएको अनावश्यक प्रतिबन्धहरूको’ प्रतिक्रिया भएको चिनियाँ विदेश मन्त्रालयले बताएको छ।
चीनका अर्धस्वायत्त क्षेत्र हङ्‌कङ र मकाउमा समेत ती अमेरिकी पत्रिकाका पत्रकारले काम गर्न नपाउनेगरी मन्त्रालयले प्रतिबन्ध लगाएको छ।

यसै महिनाको आरम्भमा ट्रम्प प्रशासनले अमेरिकामा काम गर्ने चिनियाँ पत्रकारको सङ्ख्यामा सीमा तोकिदिएको थियो।
केही समयदेखि अमेरिका र चीनको सम्बन्ध चिसिएको छ । ‘अमेरिकाले जे गरेको छ त्यो चिनियाँ सञ्चारमाध्यमप्रति लक्षित छ र यो शीतयुद्धको मानसिकता अनि वैचारिक पूर्वाग्रहमा आधारित छ ।’ मङ्गलवार चीनको विदेश मन्त्रालयले जारी गरेको विज्ञप्तिमा भनिएको छ।

अमेरिकी विदेशमन्त्री माइक पोम्पेओले चीनको निर्णयलाई ‘दुर्भाग्यपूर्ण’ भन्दै बेइजिङलाई त्यसबारे पुनः विचार गर्न आग्रह गरेका छन्। मार्च महिनाको आरम्भमा अमेरिकाको विदेश मन्त्रालयले चिनियाँ समाचारसंस्था सिन्ह्वासहित पाँचवटा सञ्चारगृहलाई कर्मचारीको कुल सङ्ख्या १६० बाट घटाएर १०० मा पुर्‍याउन भनेको थियो।

गत महिना कोरोनाभाइरस सङ्क्रमणको प्रकोपबारे लेखिएको सम्पादकीयका कारण चीनले द वाल स्ट्रिट जर्नलका दुई पत्रकारलाई निष्कासन गरेको थियो। त्यसको प्रतिक्रियास्वरूप अमेरिकाले चिनियाँ पत्रकारको सङ्ख्या तोकिदिएको ठानिएको थियो।

केही समययता व्यापार, बौद्धिक सम्पत्तिको अधिकार र फाईभजी नेटवर्कजस्ता विषयमा चीन र अमेरिकाबीच विमति रहेको छ। त्यसबाट उनीहरूको सम्बन्ध चिसिएको छ।

दुवै देशले एकअर्कालाई गलत सूचना फैलाएको आरोप लगाइरहेको अवस्थामा कोरोनाभाइरस सङ्क्रमणको महामारीले पनि तनाव थपेको छ। मङ्गलवार ट्रम्पले कोरोनाभाइरसलाई ‘चिनियाँ भाइरस’ भनेपछि चिनियाँ पक्ष आक्रोशित भएको छ।

हिमालयन मेघा कलेजको ...

धरान / लकडाउनको कारण समस्यामा परेका परिवारहरुका लागि भन ...

स्पेन र अमेरिकामा मृ ...

धरान / स्पेन र अमेरिकामा कोरोनाभाइरसका कारण एकै दि ...

आजको राशिफल, २०७६ चै ...

विसं २०७६ चैत २०। बिहीवार। इस २०२० अप्रिल २। नेसं ११४० ...

युवा संघकाे ५ सय केज ...

पथरी /  राष्ट्रिय युवा संघ नेपाल कानेपोखरी गाउँ कम ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved