धरान । गायक डिल्ली फोम्बोको नयाँ गीतको भिडियो रिलिज भएको छ । चैत २४ गते ‘नेपाली’ बोलको गीतको भिडियो युट्युबमा रिलिज गरिएको हो ।
‘माइली’ एलबम बजारमा ल्याइसकेका गायक फोम्बोको यो गीतको शब्द र सङ्गीत द पिएसार र गायक स्वयम्को रहेको छ । डिल्ली फोम्बो एण्ड द ब्याण्डको गीतको निर्देशन सुन्तान इधिङ्गोले गरेका छन् । पूर्वको रमणीय स्थान तेह्रथुमको वसन्तपुरलगायत क्षेत्रमा छायाङ्कन गरिएको गीतमा लिड गिटारिष्टमा समिर, ड्रममा पल, बेस गिटारमा मनि लिम्बू, रिदम गिटारमा एल्भिन श्रेष्ठ छन् ।
निर्देशक सुन्ताल इधिङ्गाले गीतको पोष्ट प्रोडक्सन भने बेलायतमा गरेका हुन् । गीत राष्ट्रिय भावनाले ओतप्रोत रहेको छ । गीतमा भूगोल र सीमानाले छुट्याए पनि हामीभित्र बग्ने रगत नेपाली भएको सन्देश प्रवाह गरिएको गायक फोम्बोले बताए । उनले विदेशी संस्कार र संस्कृतिमा अभ्यस्त बन्नुभन्दा पनि आफ्नै भेषभुषा र संस्कृतिमा रमाउनुपर्छ भन्ने सन्देश प्रवाह गर्न खोजेको बताए ।
नेपाल अनेकौ जातजाति, संस्कार संस्कृतिले धनी रहेकोको सन्दर्भ पनि केलाइएको छ । आफ्नै देशका हाक्पारे, ख्याली, मारुनीका भाकाहरू भुल्दै गएको तीतो यथार्थलाई गीतमा समावेश गरिएको छ । तेह्रथुमको तीनजुरे मिल्के जलजले र धरानको पानमारामा गरिएको छ । करिब साढे ४ लाख रुपैयाँको लागतमा भिडियो निर्माण गरिएको हो ।
