बेलबारी । मोरङको बेलबारी–११ लक्ष्मीमार्गमा जारी पाँचौं बेलबारी बुद्ध एअर अन्तर्राष्ट्रिय आमन्त्रण गोल्डकपमा आइतबार युनाइटेड ब्रदर्श कालिम्पोङ भारतलाई ४–० ले पराजित गर्दै राजारानी फुटबल क्लब धनकुटा सेमिफाइनलमा प्रवेश गरेको छ ।
आइतबार भएको खेलमा मध्यान्तरसम्म गोलरहित बराबरी भए पनि मध्यान्तरपछि राजारानीले गोलको वर्षा ग¥यो । निर्धारित अवधि सकिँदा २–० को अग्रता लिएको राजारानीले खेल सकिनुअघिको अतिरिक्त समयमा २ गोल थप्दै नतिजा ४–० पा¥यो । जितसँगै राजारानी सेमिफाइनलमा पुगेको छ भने कालिम्पोङ खेलबाट बाहिरिएको छ ।
आयोजकका अनुसार आज (सोमबार) देखि सेमिफाइनल खेल हुनेछ । आइतबार पहिलो सेमिफाइनलमा आयोजक डाँगीहाट युथ क्लब र सशस्त्र प्रहरी बल एपीएफ फाइनलमा पुग्नका लागि भिड्नेछन् । फाइनल खेल कात्तिक २५ गते हुनेछ । प्रतियोगिताको विजेताले ८ लाख र उपविजेताले ४ लाख पाउनेछन् ।
