भद्रपुर । ढुङ्गाले हानेर घाइते बनाउने विक्रम शिवा पक्राउ परेका छन् ।
झापा गौरादह नगरपालिका वडा नं –७ जामबारी बस्ने ४४ वर्षीय कृष्णप्रसाद राजवंशीलाई टाउकोमा शिवसतासी नगरपालिका– १० घर भई जामबारीमा डेरामा बस्ने ३६ वर्षीय शिवाले सोमबार राति पौने बाह् बजे सामान्य विवाद हुँदा ढुङ्गाले राजवंशीको टाउकोमा प्रहार गरेको जिल्ला प्रहरी कार्यालय झापाले जनाएको छ ।
ढुङ्गा प्रहार गर्ने शिवालाई पक्राउ गरी इलाका प्रहरी कार्यालय गौरीगञ्जमा राखिएको जिल्लाका डिएसपी खगेन्द्र बहादुर खडकाले जानकारी दिए ।
घाइतेलाई उपचारको लागि दमक अस्पताल दमक पठाइएकोमा थप उपचारको लागि मङ्गलबार बिहान बीएण्डसी अस्पताल विर्तामोड ल्याइएको प्रहरीले जनाएको छ ।
