विराटनगर । अवैधरूपमा लोड गरिएको भरुवा बन्दुकसहित प्रहरीले तीन जनालाई पक्राउ गरेको छ ।
मोरङको केराबारी गाउँपालिका–८ स्थित आमजुङ्गी सामुदायिक वनक्षेत्रबाट प्रहरीले तीन जनालाई पक्राउ गरेको हो ।
विशेष सूचनाका आधारमा प्रहरीले तीन जनालाई अवैध बन्दुकसहित आइतबार साँझ पक्राउ गरेको मोरङ प्रहरीका प्रवक्ता डिएसपी वेदप्रकाश जोशीले जानकारी दिए । पक्राउ पर्नेहरूमा ४४ वर्षीय मणिराज याक्खा राई, ३४ वर्षीय डिल्लीकुमार कार्की र ३५ वर्षीय धनबहादुर लिम्बू रहेका छन् ।
इलाका प्रहरी कार्यालय बेलबारीका प्रहरी निरीक्षक कृष्णबहादुर खत्री नेतृत्वको प्रहरी टोलीले विशेष सूचनाका आधारमा उक्त स्थानमा छापा मारेको थियो । पक्राउ गरिएका व्यक्तिहरूलाई इप्रका बेलबारीमा ल्याएर थप अनुसन्धान भइरहेको छ ।
यो घटनामा अवैध हतियारको प्रयोग र सम्बन्धित व्यक्तिहरूको गतिविधिबारे प्रहरीले गम्भीर अनुसन्धान गर्ने तयारी गरेको छ । प्रहरीले यस घटनामा संलग्न अन्य व्यक्तिहरूको खोजी गर्ने प्रयास गरिरहेको छ । अवैध हतियारको प्रयोग र तस्करीलाई नियन्त्रण गर्ने उद्देश्यले सुरक्षा निकायले कडा निगरानी राखिरहेको छ ।
