धरान/धरानमा साप्ताहिक रुपमा शनिबार अर्गानिक तरकारीकाे बजार लाग्ने भएको छ । अर्गानिक शनिबारे हटिया व्यवस्थापन समितिले मंगलबार पत्रकार सम्मेलन गरी जानकारी दिएको छ । हटियामा स्थानीय उत्पादन, अर्गानिक खाद्यान्न, तरकारी तथा फलफूलहरु उपलब्ध गराइने अध्यक्ष काजी गिरीले बताए । उनका अनुसार हस्तकलाका सामग्रीहरु, परम्परागत खानपान, सुकुटीको अचार, फलफूलको अचार, दुधको परिकार, मह, सुद्ध तोरीको तेल, स्थानीय दलहन, स्थानयि माछा, मासुहरु उपलब्ध हुने छ । विषादी प्रयोगलाई निरुत्साहित गर्दै अर्गानिक खेतीतर्फ आर्कषित गर्ने उद्देश्यले धरान–५ स्थित अमान बजारमा शनिबारे हाट लगाउन लागिएको हो ।