विराटनगर । मोरङको विभिन्न स्थानमा छुटाछुटै दुर्घटनमा परि दुई जनाको मृत्यु भएको छ भने ६ जना जना घाइते भएका छन् । विराटनगरमा मंगलबार भएको सडक दुर्घटनामा एक महिलाको मृत्यु भएको छ भने दुइजना घाइते भएको जिल्ला ट्राफिक प्रहरी कार्यालय मोरङले जनाएको छ ।
भारतीय नम्बर प्लेटको ट्रकले को ५ प ३२०० नम्बरको मोटरसाइकललाई ठक्कर दिंदा मोटरसाइकलमा सवार रंगेली नगरपालिका ७ की ३० बर्षिय आशु अग्रवालको मृत्यु भएको हो । सोहि मोटरसाइकलमा सवार रहेका मृतकका श्रीमान ३८ बर्षिय मनोज अग्रवाल र ७ बर्षिय छोरी अनिशा अग्रवाल घाइते भएका छन् ।
उनीहरुको विराटनगरकै सप्तकोशी नर्सिङ होममा उपचार भइरहेको छ । बसपार्क दक्षिण कलेज रोड मोडको भित्री बाटोबाट हाइवेतर्फ आउदै गरेको मोटरसाइकललाई विराटनगरबाट जोगबनी तर्फ जांदै गरेको भारतीय नम्बर प्लेटको ट्रकले ठक्कर दिएको थियो । ठक्करका कारण आशुको घटनास्थलमै मृत्यु भएको थियो भने उनका श्रीमान र छोरी घाइते भएका थिए । ठक्कर दिने एन आर ५५ एल १४१९ नम्बरको ट्रक र सो ट्रकका चालक भारत अलिगढ बस्ने ३० बर्षिय कमल सिंहलाई प्रहरीले नियन्त्रणमा लिएको जिल्ला ट्राफिक प्रहरी कार्यालय मोरङका प्रमुख शिव पोखरेलले जानकारी दिए ।
त्यस्तै मोरङकै कानेपोखरी गाउँपालिका ७ कानेपोखरीमा दुर्घटनना हुँदा धरान १ की ५५ की ललिता अग्रवालको मृत्यु भएको छ । पुर्व – पश्चिम राजमार्ग अन्गर्तत बा १९ च ६१२२ नम्बरको कार अनयन्त्रित भइ सडकमा पल्टिदा चालकसहित अन्य ४ जना घाइते भएको प्रहरीले जनाएको छ ।
कार चालक चितवनना ३२ वर्षिय अनिल अग्रवाल, सवार धरानका ८१ वर्षिय विश्वनाथ अग्रवाल, सोही ठाउँकी गीत अग्रवाल र बरुण अग्रवाल घाइते भएको प्रहरीले जनाएको छ । उनीहरुको विराटनगर स्थित न्युरो हस्पिटलमा उपचार भइरहेको छ ।
