पानवारी । श्री राधाकृष्ण प्रणामी मन्दिर गोपीधाम धरानले सरस्वती बाल आश्रम धरानका बालबालिकालाई मंगलबार लत्ता कपडा वितरण गरेको छ ।
मन्दिरका प्रमुख संस्थापक १०८ जी गोपीदास जी महाराजको चौथो पूण्य तिथिमा धरान–३ मा रहेको सरस्वती बाल आश्रमका २५ जना बालबालिकालाई २५ जोर टिसर्ट र पाइन्ट वितरण गरेको हो । बालबालिकालाई सोही अवसरमा खाजा समेत वितरण गरेको थियो । २०३१ सालमा स्थापित प्रणामी मन्दिरमा धरानका भक्तजनहरुले विभिन्न सामाजिक सेवा गर्दै आएका छन् । कपडा हस्तान्तरण गर्दै जगतनन्दन शास्त्री महाराजले बालबालिकालाई मानव सेवाको बारेमा प्रवचन समेत दिएका थिए । कपडा वितरण गर्न मन्दिरका भत्तिभूषण जी महाराज, कृष्णशास्त्री जी महाराज, नेपालकी प्रथम महिला भावगवत बाचिका सुश्री तारा घिमिरे, श्रीकृष्ण प्रणामी युवा परिषद सुनसरी अध्यक्ष जीवन आचार्य, बाइजुराज महिला समिति अध्यक्ष मञ्जु आचार्य, व्यवसायी प्रमोद आचार्य समेतको उपस्थिति रहेको थियो ।
