इटहरी । गत २६ गते इटहरी खनार स्थित रिलायन्स धागो फ्याक्ट्री अगाडी गेट नजिक बाट एक महिलालाई अपहरण गर्ने युवक पक्राउ परेका छन । सुन्दरहरैचा नगरपालिका का ३८ बर्षिय मोहन पोख्रेललाई अपरहणको आरोपमा प्रहरीले पक्राउ गरेको हो । जबरजस्ती डर त्रास देखाई गाडीमा राखी अपहरण गरी जिल्ला मोरङ रंगेली स्थित झोराहाट भन्ने स्थान तर्फ लगी बन्धक बनाई राखेको अवस्थामा इलाका प्रहरी कार्यालय इटहरी र जिल्ला प्रहरी कार्यालय सुनसरी बाट डिएसपी ज्ञानेन्द्र प्रसाद फुयालको टोलीले पोख्रेललाई पक्राउ गरेको हो । अपरहणकारीलाई पक्राउ गरी जिल्ला अदालत सुनसरी बाट अपहरण गरी बन्धक बनाई जवरजस्ती करणी गरेको अभियोगमा मुद्धा दायर भएको प्रहरीले जनाएको छ ।
