बेलबारी । बेलबारी जेसिजले आफ्नो सप्ताहव्यापी कार्यक्रम अन्तर्गत शनिवार मोरङ बेलबारी क्षेत्रका चोकहरुमा जेब्राक्रस निर्माण कार्य शुरु गरेको छ । कार्यक्रमका प्रमुख अतिथि तथा १ नम्वर प्रदेशका प्रहरी नायव उपरिक्षक कृष्ण प्रसाईले उद्घाटन गरेका थिए । स्थानीय जनप्रतिनिधि तथा जेसिजका सदस्यहरुको उपस्थितिमा जेब्राक्रसको उद्घाटन गरिएको हो ।
कार्यक्रममा बोल्दै उपरिक्षक प्रसाईले जेसिजको कार्यको प्रशंसा गरेका छन् । साथै दुर्घटना न्युनिकरणका लागि विभिन्न सचेतनाका कार्यक्रमहरु विभिन्न ट्राफिक सूचनाहरु प्रकाशन प्रशारण गरिरहेको प्रसाईले बताएका छन् । जेसिजले बेलबारीका चारवटा चोकमा जेब्राक्रम निर्माण गर्ने बेलबारी जेसिजका अध्यक्ष राजन प्रसाईले बताए ।
कार्यक्रममा विशिष्ट अतिथि तथा जेसिजका राष्ट्रिय उपाध्यक्ष श्यामसुन्दर पौडेलले शुभकामना मन्तव्य राख्ने क्रममा जेसिज युवाहरुलाई असल नागरिक बनाउने कारखाना भएकोले जेसिजका सिद्धान्त यो देशका नेताहरुले बीस प्रतिशत मात्रै पालन गर्ने हो देश अर्कै हुने बताए । कार्यक्रममा बोल्दै युवा समाजसेवी रविन थापाले जेसिजको कार्यको प्रसंशा गरे । त्यसैगरी शुभकामना मन्तव्य क्रममा बेलबारी ४ का वडाध्यक्ष रामकुमार राइले बेलबारी क्षेत्रका सडक अत्यन्तै दुर्घटना ग्रस्त क्षेत्रभएको हुँदा जेसिजको पहलकदम प्रशंसानीय रहेको बताएका छन् ।
