पानवारी । धरान–४ स्थित निशानेको जंगलमा ६० वर्षिया वृद्धामाथी धारिलो हतियार प्रहार भएको छ । शनिबार विहान १० बजेको समयमा धरान–४ निशानेकी ६० वर्षिय दिलकुमारी राईमाथी आक्रमण भएको इलाका प्रहरी कार्यालय धरानका डिएसपी समुनकुमार तिम्सिनाले बताए । धारिलो हतियार प्रहारबाट गम्भिर घाइते भएकी उनलाई उपचारको लागी विपि कोइराला स्वास्थ्य विज्ञान प्रतिष्ठान धरानमा ल्याइएको छ । उनीमाथी कसले र किन आक्रमण गरेको भन्ने बारे अझैसम्म खुल्न सकेको छैन । हेर्दा ३० वर्षेजस्तो देखिने मजदुरी गरी खाने जस्तो धुस्रो फुस्रो देखिनेले आक्रमण गरेको घाइतेलाई उदृढ गर्दै प्रहरीले बताएको छ । घटनाको दोषिको खोजी कार्य भइरहेको प्रहरीले जनाएको छ ।
