प्रदेश २ मा अत्याधिक गर्मीः जनजीवन कष्टकर

alt
  • बैशाख २९, २०७६
  • ५८४ पटक पढिएको
  • गणेश कुमार ठाकुर

सिरहा / प्रदेश नं.२ का ८ जिल्लाको जनजीवन कष्टकर बनेको छ । सर्लाही, महोत्तरी, धनुषा, सिरहा, सप्तरी, रौतहट, बारा, पर्सा लगायतका जिल्लाको जनजीवन कष्टकर बनेका छन । तातो हावा र चर्को घामका कारण मानिसलाई घर बाहिर निस्कन समेत कष्टकर बनको छ ।
सिरहा जिल्लाको विभिन्न ठाउँहरुमा केही दिनदेखि बढेको गर्मी कारण जनजीवन प्रभावित बनेको छ । बिहानदेखि साँझसम्म चर्को घाम लाग्दा सिरहाको विभिन्न ठाउँहरुमा गर्मीको कारण सर्वसाधारणको दैनिक जिवन कष्ठकर बन्दै आएको छ । बिहानदेखि साँझसम्म चर्को घामको कारण घर ÷ पसलबाट निस्कनै नसक्ने अवस्था आएको सिरहा जिल्लाको कल्याणपुर नगरपालिका वडा नं.९ मा वस्ने करिव ४९ वर्षका संजयकुमार यादवले बताए
गर्मीका कारण बजारमा मानिसहरुको चहलपहल कम भएको देखिन्छ । चर्को घामसँगै तातो हावा चल्दै जीवनयापनसमेत प्रभावित बनेका छन । सिरहा जिल्लामा ३४ देखि ४० डिग्री सेल्सियस्सम्म तापक्रम रहेकाले खुला ठाउँमा काम गरेर गुजारा गर्ने मजदुरहरुको जीवन अरुको भन्दा बढी कष्टकर बनेको कल्याणपुर नगरपालिका वडा नं.६ मा वस्ने  प्रदिप कुमार साहले बताए ।
सरकारी कार्यालय, बैंक तथा वित्तिय संस्थाहरुमा सेवाग्राहीहरुको उपस्थिती घट्दो छ । वृद्धवृद्धा, मजदुर तथा बालबालिकाहरु समेत बढ्दो गर्मीबाट प्रभावित बनेका छन् । गर्मी बढेसंगै वृद्धवृद्धा तथा बालबालिकाहरु विरामी हुने क्रम समेत बढेको छ । फोहर तथा दुषित पानी, बासी तथा सडेगलेका खाना, लामखुट्टेको टोकाई, गर्मीमा पसिना बढि निस्कदा हुने पानीको कमीका कारण अहिले विरामी बढ्दै गएको प्राथमिक स्वास्थ्य केन्द्र मिर्चैयाका प्रमूख डा.राकेश यादवले बताए ।
गर्मीले झाडापखाला, हैजा, टाउको दुख्ने, बान्ता हुने, छालाको एलर्जीलगायतका संक्रमण हुने चिकित्सक हरूले बताए । गर्मीयाम बढ्दो छ, चिल्लो पिरो, तारेको तथा बासी सडेगलेका खाना नखान चिकित्सकहरुले सुझाएका छन् । प्रशस्त रुपमा सफा पानी पिउने, बढि गर्मी भए घरबाहिर ननिस्कने, बाध्यता नै भए छाता लिएर बाहिरजान पर्ने प्राथमिक स्वास्थ्य केन्द्र मिर्चैयाका प्रमूख डा.राकेश यादवले बताए ।

 

अपडेटः कृष्णदासलाई थ ...

विराटनगर /  अनुनायी महिलामाथि जवरजस्ती करणीको आरोप ...

राष्ट्रियसभा सदस्य न ...

सिरहा । प्रदेश २ मा राष्ट्रियसभा सदस्य निर्वाचनमा शतप्र ...

डन ‘माननीय' पोखराबाट ...

धरान /  प्रदेशसभा सदस्य राजीव गुरुङ उर्फ दीपक मनाङ ...

कृष्णदास भारत लागे, ...

विराटनगर  / अनुयायीलाई बलत्कार गरेको अभियोगमा ...

हाम्रो बारेमा

यो वेवसाइट ब्लाष्ट राष्ट्रिय दैनिकको आधिकारिक न्यूज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेटिएको छ । तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

सम्पर्क

  • धरान उपमहानगरपालिका-१५ पुष्पलाल मार्ग
  • फोन नं.: ०२५–५२५४५८
  • समाचार शाखाः ०२५–५३३४३५
  • बिज्ञापन शाखाः ०२५–०२५–५३३४१४
  • वेबसाइट: Blastkhabar.com
  • [email protected]

Copyright © 2016 / 2020 - Blastkhabar.com All rights reserved