काेराेना संक्रमित सुदूरपश्चिमका पूर्व प्रदेश प्रमुख मोहनराज मल्लको निधन भएकाे छ । एक हप्ता अघि काेराेना संक्रमित भएका मल्लकाे उपचारकाे क्रममा काठमाडौँमा निधन भएकाे उनका भतिजा रुपक मल्लले जनाएका छन् ।
२०७४ सालमा नेपाली काँग्रेसका सभापति शेरबहादुर देउवाको सिफारिसमा राष्ट्रपतिले सुदूरपश्चिम प्रदेश प्रमुखमा नियुक्त भएका मल्ललाई २०७६ सालको कार्तिकमा पदमुक्त गरिएको थियो ।
पूर्व राष्ट्रिय पञ्चायतका सदस्य समेत रहेका राष्ट्रिय प्रजातन्त्र पार्टीका नेता रहेका उनी काँग्रेसमा प्रवेश गरेका थिए ।
निमोनिया र मुटुसम्बन्धी समस्याले ग्रसित मल्लको बिहीबार अन्त्येष्टि गरिने बताइएको छ ।
