नेपाली कांग्रेसको १४औँ महाधिवेशनअन्तर्गत महामन्त्री पदको मतगणना पार्टी केन्द्रीय कार्यालय सानेपामा जारी रहेको छ ।
हालसम्म २ हजार १२० मत गणना हुँदा प्राप्त मतपरिणाम अनुसार महामन्त्रीका प्रत्यासी गगनकुमार थापा र विश्वप्रकाश शर्माको सुरुदेखिको अग्रता कायमै रहेकाे छ । सबैभन्दा बढी थापाले १ हजार ३८५ मत प्राप्त गरेका छन् । महामन्त्रीका अर्का प्रत्यासी शर्माले ८५१ मत प्रप्त गरेका छन्।
त्यसैगरी महामन्त्रीका अन्य उम्मेदवारहरु क्रमशः डा प्रकाशशरण महतले ६९८, प्रदीप पौडेलले ६२१ , डा मीनेन्द्र रिजालले ३६५ र डा राजाराम कार्कीले ५९ मत प्राप्त गगरेका छन्।
बिहान १०ः२० बजेदेखि सुरु भएको मत गणना ३ घण्टापछि सकेने कांग्रेस केन्द्रीय निर्वाचन समिति सदस्य सीताराम केसीले बताएका छन् उनका अनुसार तीन स्थानमा मतगणना हुँदैछ ।
कांग्रेस विधानअनुसार केन्द्रीय कार्यसमितिका दुई महामन्त्रीका लागि सोमबार निर्वाचन भएको थियो । उपभापति पदमा पार्टीका युवा नेताहरु थापा, डा महत, पौडेल, डा रिजाल, डा कार्की र शर्मा उम्मेदवार रहेका छन् ।
